O Vigo Stick Traviesas xogou por vez primeira en Bouzas un partido da OK Liga Feminina e caeu ante o campión da Copa Generalitat e da Supercopa catalá, o Arenys de Munt, por 0-5 (0-4 ao descanso).
O conxunto vigués, coa ausencia de dúas xogadoras importantes, a porteira Patricia Echarren (con exames, finalmente non puido desprazarse dende Madrid) e a defensa Noelia Veiga, fóra de Vigo, aguantou dous minutos e un segundo ao fortísimo rival catalán.
O tempo que necesitou o rival para sacar o 0-1 de penalti, obra da internacional española María Majó, que o coou á esquerda da porteira viguesa Antía Noya.
O VSK pagou na primeira metade os nervios, apenas creou perigo e foi superado por un adversario de máis fortaleza que Igualada e Sferic. As ausencias pasaron factura ás de Leonardo Torres, "Tomba", diante dun opoñente que saíu a gañar pola vía rápida con toda a súa artillería.
A segunda parte foi diametralmente oposta. As viguesas quitáronse por fin o medo e Jessica tivo o gol nun man a man coa porteira catalá (m.33), pero o lanzamento fóiselle alto. Mentres, Antía Noya convertíase na mellor xogadora local: as mundialistas Leticia Corrales (Arxentina), María Majó (España) e Beth Cook (Inglaterra) atopáronse cunha parede que repelía calquera lanzamento de longa ou curta distancia. De feito, Noya evitou o gol nunha morea de lanzamentos e nun par de accións de un contra un fronte as dianteiras visitantes, que ademais mandaron dous tiros ao pau. Só ao final, Natalia Corrales puido gañar o segundo parcial tamén para o Arenys. A 28 segundos do final, nunha combinación local, Jessica estivo a piques de facer o tanto da honra.
FICHA TÉCNICA
0. Vigo Stick: Antía Noya, Noela Carrera, Lucía Contreras, María Noya, Jessica Braña -cinco inicial-, Ana Abalde e Laura Fernández.
5. Arenys de Munt: Vicky Rodríguez, María Majó, Natalia Corrales, Leticia Corrales, Laia Pera -cinco inicial-, Elena Ruiz (porteira), Beth Cook e Vanessa García.
Árbitro: Rubén Hidalgo (Madrid).
Goles: 0-1 (m.3), María Majó, de penalti. 0-2 (m.9), Natalia Corrales. 0-3 (m.12), Vanessa García. 0-4 (m.14), Leticia Corrales. 0-5 (m.34), Leticia Corrales.
Incidencias: terceira xornada da OK Liga Feminina. Pavillón de Bouzas. Uns 150 espectadores. A 4:12 do final mancouse no nocello esquerdo a xogadora local Ana Abalde.
O VSK pagou na primeira metade os nervios, apenas creou perigo e foi superado por un adversario de máis fortaleza que Igualada e Sferic. As ausencias pasaron factura ás de Leonardo Torres, "Tomba", diante dun opoñente que saíu a gañar pola vía rápida con toda a súa artillería.
A segunda parte foi diametralmente oposta. As viguesas quitáronse por fin o medo e Jessica tivo o gol nun man a man coa porteira catalá (m.33), pero o lanzamento fóiselle alto. Mentres, Antía Noya convertíase na mellor xogadora local: as mundialistas Leticia Corrales (Arxentina), María Majó (España) e Beth Cook (Inglaterra) atopáronse cunha parede que repelía calquera lanzamento de longa ou curta distancia. De feito, Noya evitou o gol nunha morea de lanzamentos e nun par de accións de un contra un fronte as dianteiras visitantes, que ademais mandaron dous tiros ao pau. Só ao final, Natalia Corrales puido gañar o segundo parcial tamén para o Arenys. A 28 segundos do final, nunha combinación local, Jessica estivo a piques de facer o tanto da honra.
FICHA TÉCNICA
0. Vigo Stick: Antía Noya, Noela Carrera, Lucía Contreras, María Noya, Jessica Braña -cinco inicial-, Ana Abalde e Laura Fernández.
5. Arenys de Munt: Vicky Rodríguez, María Majó, Natalia Corrales, Leticia Corrales, Laia Pera -cinco inicial-, Elena Ruiz (porteira), Beth Cook e Vanessa García.
Árbitro: Rubén Hidalgo (Madrid).
Goles: 0-1 (m.3), María Majó, de penalti. 0-2 (m.9), Natalia Corrales. 0-3 (m.12), Vanessa García. 0-4 (m.14), Leticia Corrales. 0-5 (m.34), Leticia Corrales.
Incidencias: terceira xornada da OK Liga Feminina. Pavillón de Bouzas. Uns 150 espectadores. A 4:12 do final mancouse no nocello esquerdo a xogadora local Ana Abalde.