O Toshiba Vigo Stick xoga mañá martes un partido adiantado da xornada 22 da Liga de Primeira División de hockey sobre patíns. Os vigueses, que aínda non están matematicamente descendidos e seguen a loitar pola permanencia, reciben ao Mataró, equipo que a pesar de estar esta tempada na categoría de prata disputa a Liga Europea ao gañar o ano pasado a Copa CERS.

Como a competición continental xógase en fin de semana (os mataroneses enfróntanse o 27 ao Vic), o cadro que adestra Quique Urdiales tivo que adiantar o choque a mañá no pavillón de Bouzas (21.00 horas).

Na primeira volta, o conxunto vigués non se desprazou a Cataluña por un erro burocrático (supúñase que o Mataró tamén tiña xornada europea ese fin de semana) e o fallo federativo está agora recorrido no CEDD porque a RFEP sancionou con perda de puntos ao club galego.