• 1
  • 2
  • 3

Un veciño de Ponteareas, que mercou o boleto ao CD Coya, gañador do ciclomotor da Vigo Cup sorteado polo concesionario Hyupersa

Un veciño de Ponteareas, que mercou o boleto ao CD Coya, gañador do ciclomotor da Vigo Cup sorteado polo concesionario Hyupersa

09 Xullo 2019

O boleto número 11.933 resultou gañador do sorteo do ciclomotor da Vigo Cup, un scooter KSR Classic 125, que doou Hyupersa Vigo, o concesionario oficial da marca Hyundai na cidade. O derradeiro día do torneo, este domingo no Vao, o alcalde de Vigo, Abel Caballero, e o director xerente de Hyupersa, Juan José Paz, extraeron tres boletos, o gañador e mesmo dous suplentes por esa orde.

Ler máis...

A Fundación VIDE suma dende 2014 un total de 100.000 euros de investimento nas bolsas para deportistas individuais sub-23

A Fundación VIDE suma dende 2014 un total de 100.000 euros de investimento nas bolsas para deportistas individuais sub-23

13 Decembro 2018

A Fundación Vigo en Deporte (VIDE) entregou esta semana vinte bolsas por un total de 20.000 euros e suma deste xeito 100.000 euros de achegas a deportistas en idade sub-23 dende 2014 (modalidade individual, en parella, trío ou cuarteto). E coma é habitual, houbo un acto de entrega simbólica dun cheque para os vinte e tres elixidos.

Ler máis...

Vigo en Deporte súmase hoxe ao Día Europeo de Fundacións e Doantes, xornada que reivindica a forza do sector e que se celebra por sexto ano consecutivo

Vigo en Deporte súmase hoxe ao Día Europeo de Fundacións e Doantes, xornada que reivindica a forza do sector e que se celebra por sexto ano consecutivo

01 Outubro 2018

Por sexto ano consecutivo, o día 1 de outubro celébrase o Día europeo de fundacións e doantes, unha iniciativa promovida por DAFNE (Donors and Foundations Networks in Europe) e que a Asociación Española de Fundaciones (AEF), da que forma parte a Fundación Vigo en Deporte (VIDE) dende o seu nacemento, impulsa en España.  

Ler máis...

IMG 8039A Liga Concello de Vigo de natación escolar, organizada polo Club Natación Vigo Rías Baixas co patrocinio da Concellería de Deportes, regresa este domingo (9:00 horas) á piscina do Carme, no complexo das Travesas.

A segunda das tres xornadas desta sexta edición reunirá aos centros de ensino de Vigo en disputa de dúas categorías, Promesas (nadadores nacidos en 2011, 2012 e 2013) e Benjamines (nacidos en 2007, 2008, 2009 e 2010).

 

SorteoO sorteo dunha viaxe de dous días para dúas persoas aos pobos da comarca da Maragatería e León ("Ruta dos maragatos", a gozar a fin de semana do 6 e 7 de abril), celebrado este sábado no descanso do partido Amfiv-Bilbao, foi gañado polo posuidor do boleto 16.673, vendido polo Balaídos CF, e supuxo para uns corenta clubs do programa Siareiros un ingreso de 48.000 euros.

 

Rifa Vide 2018 okA Fundación Vigo en Deporte ven de anular un total de 650 papeletas (números de matriz do 41.751 ao 42.400) do sorteo dunha viaxe de fin de semana para recadar fondos para os clubs do programa Siareiros, co patrocinio de Viaxes Zonda. Entregados á A.D. Carballal (balonmán), a entidade deportiva avisou a VIDE da subtracción dos boletos da súa sede social.

 

IMG 4192A xornada con máis partidos na historia dos torneos de Nadal do fútbol base vigués (144 encontros, case seis horas de competición) saldouse na categoría infantil (fútbol 11) co pase aos cruces do cadro de honra de dous equipos do Coruxo, outros dous do Victoria e dous tamén do Santa Mariña, e coa clasificación do San Miguel e do Casablanca, por esta orde, empatados a todo. E co Areosa, defensor do título, e o Santa Mariña, como privilexiados primeiros: a cuartos directos do VI Torneo Concello de Vigo de Nadal.

 

IMG 3987AAO alcalde de Vigo, Abel Caballero, anunciou o carácter internacional, por segundo ano consecutivo, do Torneo Concello de Vigo de Nadal, que do 26 ao 29 deste mes pechará o 2018 a nivel futbolístico.

O rexedor, acompañado por un nutrido grupo de representantes de varios clubs da cidade, de Juan Andonegui (Frutas Nieves), Daniel Costas, presidente de Afavi e coordinador do evento, e do concelleiro de Deportes, Manel Fernández, presentou un torneo que contará con 123 equipos de trinta e un clubs e que está programado para catro categorías: tres de fútbol 8 (prebenxamín, benxamín e alevín) e unha de fútbol 11 (infantil).