• 1
  • 2

VIDE achega 20.000 euros a trinta e un clubs grazas ao programa Siareiros e suma xa 183.000 € con esta liña de axudas dende 2011

VIDE achega 20.000 euros a trinta e un clubs grazas ao programa Siareiros e suma xa 183.000 € con esta liña de axudas dende 2011

29 Xuño 2020

A Fundación Vigo en Deporte, dedicada á promoción do deporte de base e que impulsa o Concello de Vigo, abonou estes días un total de 20.000 euros aos clubs do seu programa Siareiros pola tempada 19/20 e xa acumula unha achega de 183.000 euros por este concepto dende que Manel Fernández, edil de Deportes, asumiu a Vicepresidencia de VIDE no 2011.

Ler máis...

A Fundación VIDE e Viaxes Zonda lanzan un novo sorteo co obxectivo de acadar 46.000 euros para os clubs do programa Siareiros

A Fundación VIDE e Viaxes Zonda lanzan un novo sorteo co obxectivo de acadar 46.000 euros para os clubs do programa Siareiros

30 Outubro 2019

En marcha unha nova edición do tradicional sorteo dunha viaxe para obter fondos para os clubs do programa Siareiros. A Fundación Vigo en Deporte (VIDE) e Viaxes Zonda lanzan a quinta campaña consecutiva, con 46.000 euros en boletos para o sorteo dunha viaxe a Marrocos, Ceuta, Xerez e Alxeciras.

Ler máis...

taekwondovigo4España rebañou dous oros máis en categoría feminina grazas á catalá Zaira Rivera ( -51 quilos, peso mosca) e á madrileña Sandra Lorenzo ( -72 quilos, medio), aínda que novamente quedou con certo sabor agridoce. Ademais, a galega Lara Ouviña ( -59, pluma) despediuse en cuartos ante a campioa, a italiana Zocco.

 

taekwondovigo3 O pavillón central de As Travesas viviu mil batallas dende a súa inauguración no verán de 1968, para 5.500 espectadores, e a súa remodelación integral en 1999, para 3.300 espectadores, todos sentados.

Hóckey a patíns (Europeo junior masculino de 1968 e 1969), patinaxe artística (Mundiais de 1968, Europeo de 2002) ou baloncesto (Europeo junior masculino de 1968, Europeo junior feminino de 1974, Europa-América FIBA-NCAA de 1973, preolímpico de 1992), por citar só algúns exemplos, mostraron as súas mellores galas internacionais e espectáculos ante a mirada de miles de afeccionados. Pero nunca como estes tres días os nobres alicerces do pavillón central inaugurado por Samaranch gozaron dun evento de mil ollos.

 

taekwondovigo2E a Universidade de Vigo irá aos I Europeos Universitarios en Braga en decembro. O taekwondo galego en particular e o europeo e mundial en xeral seguirán tendo a Vigo e ata á Eurorrexión de referencia tanto no que queda de ano como para 2010. A Asociación Europea de Deporte Universitario (EUSA) fixou a cidade de Braga como sede da primeira edición dos Campionatos de Europa de taekwondo universitario, no vindeiro mes de decembro (10-12), e a Universidade do Minho será a encargada de facer un gran evento no Pavilhao Desportivo Universitario.

 

taekwondovigo1 Joel González (Cataluña) e Raúl Bouzas (Galicia) salvaron a España nunha magnífica xornada final dos primeiros Campionatos de Europa sub 21 de taekwondo. Tras dous días de seca de primeiros postos, o arousano e o catalán depararon dous combates impecables.

 

 

andrearica4Outra bolseira da Fundación Vigo en Deporte no cumio. Andrea Rica (Vigo, 1984) non se perderá estes Europeos. A taekwondista viguesa atópase na cidade e será a especialista da TVG este sábado para cubrir o evento. Curioso: a gran campioa local non poderá estar sobre o tapiz nestes Europeos (obviamente por idade) nin tampouco o ano que vén nos Mundiais universitarios, tamén nas Travesas (hai dous anos que acabou a súa carreira e o que estuda actualmente non é convalidable). A afección local sempre a viu gañar lonxe da súa casa.