Colaboradores
- 1
- 2
A ACB volve ao Central das Travesas este sábado co Obradoiro-Valencia, un partido entre dous equipos de competicións europeas
07 Setembro 2023
Volve o Cidade de Vigo de baloncesto masculino. Será este sábado, co patrocinio do Concello de Vigo e a organización da Fundación Obradoiro, no Pavillón Central das Travesas, ás 20:00 horas. Obradoiro e Valencia Basket son os equipos elixidos despois de que nos últimos anos tivéramos no Central o Memorial Quino Salvo.
Ler máis...O programa VIDE en Futuro, de récord este ano: 29 deportistas reciben unha axuda económica polos seus resultados 21-22
23 Decembro 2022
A Fundación Vigo en Deporte bateu tódalas marcas de axudas ao deporte individual ao chegar a vinte e nove deportistas, dez deles mulleres, na súa novena edición das bolsas sub-23. O programa VIDE en Futuro, que se chama así dende o ano pasado, volveu repartir 20.000 euros e xa suma 180.000 dende 2014 para as modalidades individuais, dúos ou tríos.
Ler máis...
- Detalles
O Europeo de Taekwondo estase a celebrar no Pavillón de As Travesas do venres 6 ao domingo 8 de novembro en horario de 9-14 h. e de 16-20 h. Estos son os horarios da competición:
- Detalles
O Comité Vigués de Árbitros de Baloncesto oferta o mes de novembro dúas novas oportunidades de entrar en contacto co mundo da arbitraxe. A través de dous cursos, tanto para árbitros como para oficiais de mesa, o organismo federativo permitiralle, a todos os interesados, obter de balde unha óptima formación nestas áreas.
- Detalles
O taekwondo continental citarase un día antes do Europeo sub 21 en Vigo para tratar diversos asuntos de importancia na Asemblea Xeral da Unión Europea de Taekwondo (ETU). Vigo será a capital desta arte marcial, que hoxe, xoves, día 5 na Casa do Deporte de Vigo (14.30 horas) debaterá durante tres horas sobre unha orde do día moi completa.
- Detalles
• A pesaxe e o sorteo dos combates terá lugar hoxe á tarde no hotel Coia.
A chegada das seleccións participantes no Campionato Europeo Sub 21 foi constante durante o día de onte, completando xa a trintena de delegacións presentes na nosa cidade. A xornada, protagonizada polas ringleiras de membros de delegacións na zona de acreditacións (sita no Pavillón das Travesas), supuxo tamén que puidésemos ver os primeiros adestramentos libres da selección turca, sueca, alemá e polaca.
Hoxe darán comezo as sesións de adestramentos oficiais e terá lugar o sorteo da competición a partir das 17.00 horas no hotel Coia.
As categorías cuxa competición terá lugar o venres (feminina -43, -47 e +72 e masculina -50, -54 e +84) realizarán a súa pesaxe hoxe a partir das catro da tarde no mesmo Hotel Coia.
Horarios de adestramento (15.13 kB)
- Detalles
O equipo español que participará no Campionato de Europa sub 21 xa está en Vigo e chega coa intención de amosar o potencial de España neste deporte.
A delegación española, con seis deportistas galegos, aterrou hoxe no aeroporto de Peinador despois de estar máis dunha semana en Madrid preparando este torneo. Os deportistas, xunto ao equipo técnico, desprazaranse mañá ata Santiago de Compostela, onde serán recibidos polo secretario xeral para o Deporte da Xunta de Galicia, José Ramón Lete (13:30 horas).